På Fure og områda rundt finn ein mykje å sjå på. Ikkje minst skulle bilda i galleriet på desse sidene sei ein del om det. For å dra fram nokre få ting, så har vi for eksempel:

Furehonnet og Furefjellet

Ein flott dagstur er dette, for du treng hvertfall ein dag skal du klare å komme over alt!

Er du sprek klarer du å komme deg opp til Kvilesteinen innan eit kvarter, ein ynda stoppestad på den bratte stien. Utsikta frå Furehonnet mot Selje, dei gamle fjellfjøsa med navne-inskripsjonar frå bestefars unge dagar, spora etter torvuttak, blåbærlyng, og nokre få multeplantar i myra, gamle ”gjetarhytter”, fredelege fiskevatn, utsikta til Hoddevik – og om ein går langt nok ut kjem ein til Furestaven.

Ingenting er vel som spekeskinke grilla på lyng!

Ytre-Fure ville vere eit flott veivalg heim att.

Noko bratt er det nedover, men når ein kjem fram finn du eit koselig tun, med bratte bakkar ned til sjøen på framsida av huset. Tenk at det har budd folk fast her ute på denne vær-harde staden. Og ungane skifta mellom å gå på skule mellom Indre og Ytre Fure, litt av ein skuleveg det i storm og regn!

Heilt nede ved sjøen finn ein flotte berg godt egna for fiske, så her er det berre å kaste ut!

Det ligg 2 hus her ute, med løer til kvart hus. Turen tek du fjørevegen tilbake til Indre Fure. Her går du forbi Julius si hytte, med eit flott moloanlegg. Ein koselig stad.

I fjøra lenger inne, der fjellknausane tek til, finn du holer i fjellet du berre kjem til i fjøre sjø. Mange flotte havslipte steinar ser du og. Det kan lure ein hoggorm eller to på stiane, så pass på. Det er ein populær stad å sole seg for dei. Ein flott tur er det hvertfall.